viernes, 7 de marzo de 2008

Reflexions d'Onset: No te ferá o morro clo


O Gubierno d'Aragón ha mercato un cuadro de Goya por 2,5 millons d'euros, dica allí a notizia. Yo no soi en cuentra de l'arte, y menos encara de fer un espazio adedicato a o chenial Francho de Goya. Manimenos beigo que l'administrazión cuan le interesa fa os posibles ta mirar d'aconseguir o que quiere y cuan no le peta, ye dizir, cuan no le interesa no fa cosa (se beiga o caso de l'aragonés).
Cuan leyé a notizia pensé una miqueta totas as cosas que por a luenga aragonesa se podrían fer con 2,5 millons d'euros: sensibilizazión en as zonas de luenga propia y en a resta d'a soziedá, edizión de materials didacticos, siñalizazión publica, estudio d'as zonas an que se charra aragonés que son sin imbestigar, programazión en a telebisión y radio publicas, leis de protezión, amostranza reglata, replega d'a toponimia propia... y, encara, talmén, nos en quedaría, de diners.

Ixo, nos quedamos con ixa espresión: no te ferá o morro clo.

Binclo d'a notizia:
http://www.elperiodicodearagon.com/noticias/noticia.asp?pkid=392441

3 comentarios:

Charrabís dijo...

2,5 millons d'euros.... pues sí, sería tremendo que se destinasen a l'aragonés, u que se'n destinase la metat, u la metat de la metat!
Y ya nos faría o morro clo si, a lo menos, o gobierno tenese millor politica lingüistica y le fese más caso, encara que no dase guaires diners. Pero ni sisquiera ixo.

En fin, Onset, quizá ya ha rematau o nuestro tiempo d'ibernar! Cal despertar-se!

-Enorabuena por o blog, fa goyo de leyer-te-.

Anónimo dijo...

El segundo parrafo me recuerda a ixa famosa frase de Martin Luther King: "ayer tenié un sueño". Con ixo sí que no nos fará el morro clo. Partitas economicas simbolicas, bel premio literario (que n'i hai como potrecons d'agüerro, e -a'l mío chuizio- i hai poco con calidá literaria e lingüistica) e poca aduya a la imbestigazión. ¿Qué no farinos con una planificazión d'estudios endrezata en bez d'ir metendo parches?

Felquera

Onset dijo...

Tiens razón Charrabís,tampoco cal gastar zientos de millons, pero se pueden fer cosetas. Un exemplo prou interesán ye Asturias (nusatros semos a años luz de l'asturiano). Da-le parabiens a l'autor de l'argumentario. Estoi que sería interesán traduzir-lo a atras luengas, te lo quereba comentar.
Coinzido de tot con o que dizes, Felquera.Atro d'os grans problemas ye a Universidad de Zaragoza que nunca ha feito ni un sacre por imbestigar y estudiar a luenga. Tot ha caito en os güembros de l'asoziazionismo.