lunes, 17 de marzo de 2008

Toponimia de Lupo

Un atro animal que bibió dica no fa guaire en os nuestros mons, montañas y campos estió o lupo.
Diz que dica finals d'o sieglo XIX i bibión.
Ya Saroïhandy replegó en Sercué (Bal de Bio) a siguién frase en a primer decada d'o XX: ya no ne b'ha de lupos. Encara que tamién replegó: la chovenalla ya no charra.
Ista ye una chicota mostreta d'o suyo paso por istas tierras...

Adagüesca: As Luperas
Aso: Lupons
Biescas: Fuente d'o Lupo
Broto: Lupera
Escarrilla: Lopera
Fanlo: Lupera
Longars: O forau d'os lobos
Mipanas: Lupera
Oz: Lopor
Pandicosa: Lupons
Pirazés: Lupera
Rodellar: Lupera
Sallent: Loperas
Sieste: Lupera, Luperas y Luparuelo
Yosa: Pinar de Lobo

Tamién se puede meter-ie Lobera d'Onsella y os que nos ha fazilitato Felquera de Bielsa: la uno Canal d'el Lupo y l'atro Barranco el Lupo.

Fuen: datos de l'AFA, Onset y Felquera.

6 comentarios:

Chabier Lozano dijo...

Bueno, mirando per denzima bel libro de toponimia que tiengo a man (ye una gollata rapida, no son oras d'estar repasando toponimo per toponimo):
-en Broto:Pinar d'o Lobé (Nombres para un paisaje, p. 52)
-en Linás: Pilupín (¿< Pui Lupín?, op. cit., p. 94)
-Sarbisé: Lupera (op. cit., p. 120)

Se nunca trobo més datos ya te's pasaré.
Salut

Onset dijo...

Muitas grazias por os datos, Felquera. Prou que ne b'abrá buena cosa más. Ye un campo prou interesán pa estudiar.

Anónimo dijo...

Un lolo d'o Pirineo de Chaca me dizió que os lupos se amortoron cuan i plegó ro tren, ta prenzipios de sieglo XX.
Entabán con o blog e salú dende ra espositiba ZesarOcusta.

Onset dijo...

Zaragonés, tiens razón, puestar que ya no en quedase garra en a primer decada d'o sieglo XX. Fa poco beyé un mapa d'a distribuzión d'os lupos en 1840 y ocupaban tota a Peninsula (fueras d'una chicota parte de Catalunya)y agora nomás que zonas aislatas -y por reintroduzión-.

Alberto dijo...

Hola Onset. Como fazié cuan charrés d'a toponimia de l'onso, boi a dar-te a mia chicota aportazión.

En o mío lugar, Alhama de Aragón, bi-ha un puesto clamau "el barranco la lobera"
No prexino que pasaría si ahora bi ese lupos. Si agora os pastors tienen zerina con isto d'os butres (que ye mentira, por zierto) No podría bibir sin as presas que i eba antismás y sin os puestos an podeba dormir.

Onset dijo...

Ye prou interesán o dato que dizes, Alberto. Prou que bella bez arribarían os lupos dica allí. Yo siempre he pensato que a toponimia ye como l'algodón nunca engaña. Agora os lupos lo tendrían prou mal pa bibir-ie.