martes, 6 de mayo de 2008

Romanze de Marichuana


Continando con a literatura tradizional -en iste caso de transmisión oral- meto l'archiconoxito Romanze de Marichuana, en bersión replegata por -o mío admirato- P. Arnal Cavero.
Estió musicalizato por o grupo "Alto Aragón", de Chaca, si trobo a canta la ficaré aquí.
Tos dexo con ista chicota alfaya d'a nuestra literatura.







De los Altos Pirineos
me'n baché ta tierra plana
pa' ver un amor que tiengo
que se llama Marichuana.

Ye una moza muy rolliza
güellos negros, nariz chata;
tiene más juerza que un güey
y más... ancas qu'una vaca.

En a pocha d'o gamboy
t'he bachato unas manzanas
pa'que tú veigas l'amor
que te tiengo, Marichuana.

Juntaremos o bodofio
y toda la parentalla,
y as alhajas que yo tiengo
te las diré en dos palabras.

Tengo una sartén sin coda
y una olla desansata,
y os espedos pa'asar
yo me los faré de caña.

También me faré de bucho
os tenedós y as cucharas
y a rueca con o fuso
pa'filar en as vilatas.

Ya nos claman ta la ilesia
nos dijon cuatro palabras;
me preguntó iño retor
si quereba a Marichuana.

Le dije: iñor retor,
a pregunta ye escusata;
¿no sabe que yo la sigo
como lo buco a la crapa?

Encara queda bella estrofa más. Si belún no las conox, ya las i meteré.

4 comentarios:

Amelia dijo...

En casa tamién lolo lo cantaba ixe romanze. Que tiampos ya perditos! Entaibán mesache que lo fas prau bien, qeu da goyo de leyer-te.

Onset dijo...

Muitas grazias, Amelia, me boi a meter royo como un ababol. Conoxes bella bersión más d'o tuyo lolo? Asperemos que os tiempos que bienen sían millors.

merike dijo...

Quina ciutat vella tan meravellosa. És un lloc que estimaria veure!

Onset dijo...

Ye Alquezra (en castellano Alquézar) en o Semontano de Balbastro, un d'os lugars más bonicos de tot l'Alto Aragón. Regular que te pierdes por ixas carreras, parix que sías en a Edá Meya.