Continamos con fotografías de paisaches y territorios. En iste caso, Asturias, territorio de mar y de montaña, d'un orache prou agradable ta os onsos (que encara i queda compañers bibindo; y lupos) y chen que no le fa mica goyo a calorina; de plebia, de boiras grisas, de plachas bírchens, de grans ziudaz y lugarons enforicachatos, de luengas minoritarias, de bellezas naturals.
Nomás i soi estato que una begata fa bels tres u cuatre años, y en primeras me fizo burro falso, lo digo entre cometas, que me pensaba que me trobaría con una tierra obrera, menera, plena de fabricas... pero ye prou lexos d'ixa realidá, ye un territorio dinamico y moderno (parlo, más que más, por Xixón). Cal dezir que en Avilés -y atras zonas- sí que mantiene ixa bisión que parix d'os años 80. Manimenos, con tot y con ixo, Asturias año sin atro contina perdendo chen, contina a emigrazión, as luengas no se regulan -encara que nusatros semos a años luz en custions lingüisticas con els-, de politicas inchustas, no i hai guaires asperanzas de treballo y de futuro... parellana situazión a la que tenemos en Aragón.
Nomás i soi estato que una begata fa bels tres u cuatre años, y en primeras me fizo burro falso, lo digo entre cometas, que me pensaba que me trobaría con una tierra obrera, menera, plena de fabricas... pero ye prou lexos d'ixa realidá, ye un territorio dinamico y moderno (parlo, más que más, por Xixón). Cal dezir que en Avilés -y atras zonas- sí que mantiene ixa bisión que parix d'os años 80. Manimenos, con tot y con ixo, Asturias año sin atro contina perdendo chen, contina a emigrazión, as luengas no se regulan -encara que nusatros semos a años luz en custions lingüisticas con els-, de politicas inchustas, no i hai guaires asperanzas de treballo y de futuro... parellana situazión a la que tenemos en Aragón.
A mar, que tanto trobamos a faltar en as tierras que no'n tenemos, como fuen de bida, riqueza, inspirazión, fauna, belleza... y quemisió cuántas cosas más
Cuideiru/Cudillero
Bonico lugar que antes más s'adedicaba a la pesca y agora tien en o turismo
a suya fuen fundamental de vida
Paraz cuenta que no tos dentre l'augua en o lugar
Cuadonga/Covadonga
Bien zerqueta d'allí trobarez a les vaques a la bimbola -ne b'ha arrienda-, libres, sin que dengún tarta, ni les diga cosa... libres como han d'estar
Me quedo con ixe contraste de mar y montaña -qué buena onra nos fería a os aragoneses!-, d'azul de boira y verde de flora.
Continaremos cantando habaneras sin mar
Continaremos cantando habaneras sin mar
4 comentarios:
Ya abe anyos que ibi estié e guardo (no pas alzo) mutos buens recuerdos d'ixa polita tierra, sobre tot de la zona de Muniellos, an que i estié cuatre días en una zona muit tranquila e de naturaleza salvache, me fayó més goyo que la zona de Picos, que ye més pareixito a'l Pirineus. Per cierto, qué mariscata en Cudillero, encara me'n acuerdo de las dos horas que me i fotié mallando cucos.
Parlando de 'alzar' se me pasó comentar 'alzamiento', sustantibo imbentato de tot sobre 'alzar' que be de significar 'conservación'.
Yo tamién minché en Cudillero, en ixe lugar i hai turistas/biachers a embute. Bien se'n bale que encara ye, por un regular, un territorio sin masificar.
Yo ye que goso viachar difuera de temporada (u de primavera u d'hivierno), per el que no trobo guaire chent, ye el que tiene troballar de verano en zonas turisticas, esto sí que ye masificación (e ixo que estianyo no ha venito guaires turistas).
Yo tamién m'estimo más biachar en temporada baxa, encara que ta ir ta Barcelona ye millor d'ir-ie d'agosto porque en a resta de l'año será ixo una tortura. Encara que sería interesán biachar a ixos puestos en diferens meses, más que más, en zonas como Asturias ta biyer os cambios con l'orache.
Publicar un comentario