jueves, 18 de septiembre de 2008

Suenios de luna

Dimpués de, si fa u no fa, 200 años d'a independenzia de l'America colonial -fueras de Puerto Rico y bel país más-, a situazión en ixos países no ha cambiato guaire.
En istas zaguers semanas y meses, en Bolivia, país con importans recursos naturals que a suya riqueza ye prou mal distribuita, i abió bels 30 muertos en Pando. En zagueras diz que a situazión ye amillorando y o dialogo s'imposa por debán d'a guerra. O tiempo dirá. Pero a situazión en atros países como n'a República Bolivariana de Venezuela u n'a República del Ecuador ye prou parellana, en buena mida, a la de Bolivia, y no tardará guaire a pasar o mesmo en Paraguai, como tamién pasó fa 35 años en Chile -encara que cal reconoxer que no ye a mesma situazión que bi ha agora en Bolivia con a d'o Chile d'Allende-.

America Latina ye a rechión d'o mundo an que más desigualdaz n'i hai, más encara que no en Africa. Por exemplo, l'1% d'a poblazión brasileña ye propietaria d'o 50% d'as tierras. Contina abendo-ie esclaus y explotazión infantil a o canto de campos de golf y de grans superfizies comerzials.
Por atra man, curiosamén son as rechions ricas as unicas que demandan l'autonomía y, en bel caso, a independenzia (cal biyer o caso d'Italia, prou parellano a íste).

Manimenos, encara que o sistema actual no ye igualitario en America Latina y no abraca ni sisquiera as nezesidaz basicas y elementals d'a cuasi tota la poblazión (educazión, sanidá, alimentazión, abitache...), an que arredol de 60-75%, seguntes o país, d'a poblazión ye indichena y no ye representata en garra puesto publico, as cosas no progresan y continan igual como fa 200 años. I hai chen que no quieren que s'establixca l'America que sonión Simón Bolívar, Túpac Amaru, José Martí, Camilo Torres Restrepo, Simón Rodríguez, Farabundo Martí u muitos atros prózers, libertadors y liberadors d'o continén. Chen ista zaguera que miraba d'aconseguir a independenzia d'os suyos países y abanzar enta la integrazión d'os suyos bezins chirmans.


En tot caso...

Paz ta America y ta o mundo entero


"Por la ignorancia nos han dominado más que por la fuerza, los pueblos cargados de ignorancia, de analfabetismo, de miseria, son dominados con facilidad”.
Simón Bolívar, Carta de Jamaica, 1815.

____________________________________________________________________

O pueblo ha parlato y ha dito que, seguntes a encuesta democratica d'Onsera, crei en un 75% no se presentará ni s'aprebará a Lei de Luengas d'Aragón -nunziata ta istos días pero no bi ha garra nobedá ni filtrazión- y un 25% crei o contrario. Alea jacta est.

En meto una atra a la que tos animo que i botez, un tema d'o que se'n puede charrar arrienda y más encara que as zaguers notizias d'istos días.
Si belún quiere opinar sobre cualsiquier tema lo puede fer, prou que sí, a trabiés d'os comentarios.

3 comentarios:

zel dijo...

El trist destí dels països post colonitzats, tothom hi deixa un peu per seguir escorxant i fent sang, el que no entenc és que en treuen d'abolir llengües, això no aporta res a ningú.

Pel que fa a Bolívi, he seguit força les notícies oficials i no, i és purament negoci i ètnia, i prou.
Petons!

Amelia dijo...

Toz semos colonizatos en bela mida, pero istos probichons!. Tira tabán zagal con o blog que yo te leigo amenuto!

Onset dijo...

Zel, coinzido de tot en o tuyo analís. No i hai cosa más a dezir. A situazión en America Latina ye prou complicata y de mal soluzionar.

Amelia, prou que semos colonizatos, encara que no siga por países, imperios u multinazionals. Grazias.