jueves, 20 de noviembre de 2008

País de anochecida

Con iste títol no me refiero a o sobrebuén disco de La Ronda de Boltaña. Encara que puestar que tienga bella cosa a biyer, seguntes se mire.

Ya be de fer dos u tres meses que a Expo Zaragoza zarró as suyas puertas. Antes que no emprenzipiase, yo teneba dos cosas prou claras: la uno, que a suya repercusión mediatica sería cuasi nula, y l'atro, de resultas de l'anterior, que os aragoneses (mastos, fembras, mullers, ombres, ninos, lolos...) se quexarían de tal feito, dirían prou: nusatros existimos, somos pocos pero existimos.

Ha de quedar claro que no quiero esfender ni criticar a Expo. Senzillamén porque no i fue, seré d'os pocos aragoneses que, diz que, no i fuen/fuemos.

Ye de dar que a primera custión que nombrábanos antes se cumplió, pero bien cumplita. Un feito d'ixas caracteristicas, unico en ixa dimensión, y amás que yera global, "internacional" seguntes deziban, no tenió cuasi repercusión en os meyos de comunicazión españols, sí, como ye de dar, en os aragoneses (u, millor dito, d'os de Zaragoza). Mesmo a TV3, o primer día, fizo un plató en Zaragoza, y bi parlón prou. As canals cheneralistas españolas no parlón so que cuatre cosas, como de bislai, como si a Expo s'estase fendo en Filipinas, a Guayana, Angola u en Osetia. Enzerté, encara que no yera de mal enzertar.

Como deziba, me pensaba que debán d'ixa ignorazión contina, os aragoneses, por meyo d'a voz y d'a parola, darían ferrete y no dixarían de quexar-se: bella carta en o periodico, bel manifiesto... bella cosa. Dirían: prou, que nusatros existimos, fez-nos caso, ninos. Sí, somos aquí alto, os d'o cacherulo. Que no nomás existimos cuan pasa bella angulema.
M'entiboqué, encara que tampoco yera d'estraniar.

Isto tamién gosa pasar con atros territorios (Ávila, Ciudad Real, Zamora, Palencia, etc.), que sabemos que existen por os libros de cheografía, porque por atra cosa.

Continaz anocheciendo.

3 comentarios:

Joan de Peiroton dijo...

Un pòc hòra deu tema, que'm hè dòu: a perpaus deus discs de Biella Nuei, sabes s' i a manièra de cromprà'us online?

No sé como comprarlos desde Tolosa!

zel dijo...

Jo tampoc hi vaig anar... Sembla que hi ha molts diners que es llencen i amb els que es podrien millorar tantes coses...
Ui, em quedo a escoltar la cançó!
Petons, gràcies per la companyia!

Onset dijo...

Joan, seguntes a suya web puez fer-lo a trabiés d'iste correu: carlosvillar@biellanuei.com. En ista web tamién puez trobar bella cosa: http://aragomusic.com/index2.php?cat=12&sec=1&web=1.

Zel, a yo no m'interesó guaire -u mica-. Estoi que bi eba -y bi ha- muitas atras prioridaz.