domingo, 28 de diciembre de 2008

A la fin

A la fin, seguntes mete a edizión impresa de l’Heraldo de güe, a Lei de Luengas d’Aragón tira enta debán y será la primer lei que s’aprebe en l’año nuebo. Parix que, en una reunión entre o PSOE y o PAR, dezidión que se presentase en as Cortes d’Aragón y que toz dos la empentarán.


Seguntes ixa informazión, l’aragonés y o catalán serán consideratas luengas propias d’Aragón, podendo fer-se serbir debán d'as autoridaz, pero nomás de maitins -de 9 a 13 h-, no pas se ferá de tardes, por falta de presupuesto.


En l'amostranza, se ferán clases d'aragonés si bi ha una demanda de 54,5% + 1. Tamién, por atra man, se mirará de fer un periodico diario en aragonés -O cacherulo- y una canal de tv. José Ángel Biel declaró que una d'as primeras primeras midas, en ixe sentito, ye doblar a serie de debuxos chaponesa Shin Chan, Os Pitufos, as peliculas de Paco Martínez Soria, as de Jackie Chan y as de Fernando Esteso y Andrés Pajares. Antiparte anunzió que son parlando con os promotors de Gran Scala pa que faigan o parque trilingüe (parix que o lema será: juega, chuga, juga).


Os sectors extremistas azientificos, debán d’a nueba situazión chenerata, han anunziato que no reconoxerán que Aragón siga un territorio trilingüe, y que se negarán a que o castellano, luenga de Castiella, s’imponga sobre as demás, ye dizir, o castellano de Madrid no quieren que s’amuestre n’as escuelas aragonesas. Consideran que ye una dictadura que se ye fendo dende Madrid pa acabar con as luengas aragoneses.


Antiparte han asegurato, seguntes un estudio que han feito, que son 159 as luengas diferens a o castellano que se parlan en Aragón. De resultas caldrá parar mayestros y profesors d’as 159 luengas y prou que traductors e interpretes. Se conox que ya son replegando firmas y metendo apegallos por toz os cabos. Insistión, más que más, en que se fese de camín o doblache, en as 159 luengas, de Shin Chan.


As luengas aragonesas las distribuyen en diferens familias lingüisticas: aragonés oriental, meridional, sureño, norteño, pirinenco, lliterà, ultra-oriental, bajo zaragozano, chapurriau de Casa Pelaire, noruesteestesur, suroriental, meyo-sureño... Qui refuse ixa clasificazión ye antiaragonés.

7 comentarios:

Chabier Lozano dijo...

Buena inocentata, pero no cuela :)

Onset dijo...

Ya me pienso que ye prou -u mica- fázil mirar de combenzer a belún con o d'a lei. Si bel día se fa, no m'extraniaría que fuese asinas de surrealista. Encara que yo les agradexería que fesen o doblache de Shin Chan.

Chuan Chusé Bielsa Alquézar. dijo...

A obligazión d'os politicos aragoneses ye esfender as lenguas d'Aragón ta que no s'amorten. Ixa ye a suya obligazión y o suyo deber moral. Y seguntes a lai, tanto a Constituzión como lo Estatuto, cal que esfiendan autibamén o patrimonio lingüistico.

Y no lo fan.

As lais parixe que esisten ta que nomás os pobres as cumplamos.

Y tamién somos nusatros, a chen, o pueblo d'Aragón, os que empentamos de berdà la nuestra lengua y o catalán d'Aragón.

Muitas personas cumplen con o suyo deber treballando por a nuestra fabla (un "deber d'amor", por atra parti); os politicos, dica agora, no han cumpliu, y asinas quedará rechistrato en a Istoria. Que cadaguno reculla o premio que li corresponde. En o tema d'as lenguas, os nuestros politicos no merexen dengún premio. Sisquiá podamos dizir atras cosetas d'els, muito millors, en o futuro.

Buen Nadal, Onsera, y os millors deseyos ta las lenguas propias d'Aragón, l'aragonés y o catalán d'Aragón, en l'año que muito lugo empezipiará. Y norabuena a la chen que empenta l'aragonés, cuasi sin meyos, pero con o más importán, con o corazón. Tanimientres bi aiga chen que aime l'aragonés y o emplegue, encara queda toda l'asperanza d'o mundo.

Chuan Chusé Bielsa

zel dijo...

He tardat en adonar-me que era una innocentada, de debó...és que no estic per la feina, maco...

Tard, però paso a desitjar-te molt bon tot el que vingui...

Salvador dijo...

I com es diu culet, culet en chapurriau de Casa Pelaire? Bon Any Nou.

"O zagal de Molinero l'arco" dijo...

Cagüen as baranas !!,me l'as metiu bien fonda. jejeje

Onset dijo...

Chuan Chusé, como bien dizes ye una obligazión como tamién nusatros emos a pagar os impuestos; manimenos a lei no se fa y se'n incumplen atras -a de Patrimonio Cultural u o Estatuto-.
A lo menos nos dixan redir y l'asperanza. Buen Nadal y Año pa tu tamién. Grazias por as tuyas parolas y a plantar fuerte.

Zel, bon Nadal y any nou. Que et vagi bé.

Salvador, en Casa Pelaire, o pai diz culé-culé, a mai culed-culed, o fillo culer-culer, y o can cul-cul. Más luengas encara! Buen año pa tu tamién.

Zagal, en beras te lo ebas creito? A yo tamién me feba goyo o de Shin Chan y Esteso-Pajares, pero caldrá asperar. Buen año.