sábado, 1 de marzo de 2008
Más toponimia d'Onso (II)
Dimpués de beyer un articlo de J. Vázquez en AFA, a nomina de toponimos ye un poquet más gran... Ya nos podemos fer una chicota ideya d'o territorio que ocupón istos animals.
Betés: Fuente l'Onso
Broto: Paso l'Onso
Pandicosa: Paso l'Onso
Pandicosa: Cueba l'Onso
Pedruel: Paso l'Onso
Regular que bi'n abrá buena cosa más de toponimos, igual como bi'n ha de lupo (ya en parlaremos).
Ya nos dirá o compañero Felqueral si conoix bel toponimo en ixas balles altas d'onso, u si en ha bisto belún, d'onso (encara que me pienso que será eslobeno)...
Suscribirse a:
Enviar comentarios (Atom)
3 comentarios:
Yo teneba una lista de toponimia de l´onso en l´alto galligo, xo no se que abre feito con ella, ya la buscaré.
Por zierto, os onsos d´o Pirineu son tamien eslobenos, u meyo eslobenos, fueras de dos masclos que biben en a bal d´Ansó, que son pirinencos d´o tot. Una pena a regresión de l´onso en os Pirineus en os zaguers años.
Fa dos u tres semanas chiton un reportache en a 2 sobre Paca y Tola, dos onsas asturianas que biben en un estau de semicautiberio, y yera prou bien. Dizion una cosa prou zierta: antis os onsos d´a cordillera cantabrica yeran en contauto con os pirinencos, y allora, o reserborio chenetico yera muito más gran, manimenos, güe, o pais basco ye una barrera que desepara a las dos estirpes.
A bier si, encara que siga con onsos eslobenos, se recuperan os onsos pirinencos.
De la toponimia que tiengo arreplegata de Tella, Bielsa e A Espuña te puedo dar es siguiens datos. En A Espuña dos: A Fuen de l'Onso e O Paso l'Onso. En Tella altros dos: Faixeta l'Onso e Lo Paso l'Onso. De Bielsa no'n tiengo garra -e ixo que tiengo un buen listato toponimico. pero sí un par pa cuan farás la d'es lupos: Canal d'el Lupo e Barranco el Lupo.
Yo per aquí no'n he bisto garra, e tampoco no sé se quiero trobar-me-ne, a'l menos de zerca.
Ixo sí, toz es beranos i hai una pila turistas que nos comentan que han bisto onsos a embute, trafucando-los con marmotas. El unico que he bisto son las gosarallas d'es onsos cabernarios que i hai en Tella, que mereix una bisita.
De totas trazas ye un tema pro polemico, perque per aquí la chen no es quiere beyer ni en pintura.
Felquera
A berdá ye que iste tema ye prou polemico.Amás estoi que bi ha muitos intereses dezaga. Sisquiá bi ese un alcuerdo entre as dos partes, pero lo beigo difízil.
Publicar un comentario