miércoles, 4 de junio de 2008

Soi un pobre pastor (completa)


Continamos o nuestro biache por a literatura altoaragonesa. Ista begata nos n'imos t'Ansó, en o cabo oczidental d'a luenga, con un poema anonimo.
A primer begata que leyé o poema me quedé embabiecato, qué bien describiba ixe ombre (u muller) a soledá d'un pastor u de cualsiquier persona! M'encantó, ye escrito con as parolas chustas, ni más ni menos. (Ye una miqueta largo, si belún quiere lo meteré entero, merex a pena).

SOI UN POBRE PASTÓ

En esta perra bida
tamién bi'stá cosas güenas;
biendo o mon tan majo
se me ocurre pensá y tiengo ideas.

Si sabiérai escribir-las...
si sabiérai de letras...

Soi un pobre pastó,
sólo sé de corders y d'obellas.
Mis unicos amigos, os mejors,
que ni me fan reñí ni me dan pena;
ni me fablan mal de ninguno,
ni me plenan d'embrollos a cabeza.

En cambio, aquellos ombres...
Si bajo ta o lugá y en a tabierna
busco con qui fablá
d'o mon u d'as obellas...
ninguno me fa causo;
parixe que me desprezian;
ellos na más fablan de gobierno
de reboluzions y de güelgas.

Antismás se bibiba d'otra manera.
Cuando puyábamos d'a tierra baja,
todos yéramos güenos amigos;
y no como agora, que por nada pelean.
Os zagals fablaban d'as zagalas
y no bi'staba una riña más que por ellas.
Os mozez chugaban a marreo
y a retozá como fan as obellas,
sin ninguna malizia;
sin enterar-sen que bi'staba guerras,
ni bombas, ni cañons, ni pistolas;
que sólo conoxeban a escopeta
pa defender-se de os negros lobos,
cuando en imbierno rondiaban as obellas.

Y os ombres fablaban de os suyo,
de o sabé de cada uno; que a güena cuenta,
si ha de fablá con un conozimiento,
un abogau sabrá dezí de letras,
y un medico d'enfermos,
yo, labrando, de tierras.
Agora quieren fablá de todo, todos;
y quí d'ixos sabrá o que se presca?
Pero riñen y se matan
os ombres, como fieras.
Aquello no ye bibí, que yo algo he bisto
y o que uno no beye... ya le'n cuentan.

¡Ah! ¡Qué majo ye o mon!
Parixe que güele a tomillo y yerbagüena.
¿Pa qué quiero yo más que o que tiengo?
Posau en esta peña
soi l'amo del mundo
que allá bajo de gritos y peleas.

O que busque paz en as ziudaz,
loco se tornará de su cabeza.
Agora a mi se me antoja que ixas cosas
que beo en as laderas
se'n escapan d'a ziudá y puyan
t'a montaña, fuyendo d'as fieras...
pa bibí esta bida
en do bi'stá paz, salú y cosas güenas.

Que s'esmicazen os ombres allá abajo,
que fablen de este mundo o que quieran,
que armen reboluzions, que fayan güelgas;
pero a mí que me dejen en o mon
solo con as obellas.

¡Soi l'amo del mundo
posau en esta peña!

[Si belún lo quiere consultar lo trobará en o libro Replega de testos en aragonés dialeutal de o sieglo XX, Tomo I: ansotano, ayerbense, belsetán, de Francho Nagore Laín, DGA, 1987, pp. 23-25. Libro, por zierto, prou interesán y recomendable. Ese estato importán continar ofrexendo más literatura popular].

Agora que l'he tornato a leyer encara m'ha feito más goyo, l'aragonés ye una luenga más, ni más ni menos...

6 comentarios:

menta fresca, aufàbrega i maria lluisa dijo...

pobre pastor però saps? té tota la raó, i ben feliç ell amb el seu ramat, a fer punyetes els del bar!.

Chabier Lozano dijo...

Yo me quedo en candiletas con la filosofía de vida d'es pastors e la suya cosmovisión... Ademés, conoixer como un amigo mío (que tien cuasi 400 güellas e l'aduyo de cabo ta cuan) la vida de cada güella que tiene (es partos, las enfermedatz, se cal punchar-la u no, a la que le teta el corder u a la que no...). Yo creigo que serí incapable de fer ni an una minquirrina d'ixo.

"O zagal de Molinero l'arco" dijo...

Podrias fenos o fabor de metelo entero,grazias.

Anónimo dijo...

Ye asabelo de polito! Una coseta, mira de meter a fuante de an copias os testos que beluno lo ha traballato. Una preziosidá de poema, cuantas en pasan á ros pastors, que no?

Onset dijo...

Menta fresca, estoi que el será bien contento, pero tamién trobará a faltar a la resta d'a chen. As obellas ben d'estar buenas compañeras y no guaire problematicas.

Felquera, tiens razón, son una chen 'espezial', talmén ayan naxito ta ixo y lo dominan de tot. Pero ye a suya forma de (sobre)bibir y tampoco tiene atro remeyo.

Zagal de Molinero l'Arco, ya l'he meso entero en o blog. Creigo que merex a pena, a yo m'encanta. O que pasa ye que soi un poquet galbán. Por zierto, ya t'he meso n'os míos binclos, que he bisto que encara no te teneba.

Amelia, sí que en ye de polito. Chunto con Las flamas de lo fogaril, y belún más, ye o que más me cuaca. No eba meso a fuen porque lo fize ascape y no paré cuenta. Tiens razón, grazias por remerar-me-lo. Ai os pastors si en pasaban! y me pienso que toz os días. Pero a muitos yo creigo que disfrutaban asabelo con o suyo treballo.

Ignacio dijo...

Este poema no es anónimo, lo escribió Pascual Mendiara Navarro de casa Soro de Ansó.