martes, 23 de diciembre de 2008

O empanadico

Diz que agora que semos en istos días se gosa fer o empanadico. Encara que o d'os días rai, ye pa Nadal cuan se'n fan -en beras a clau ye en as crabazas-.

Yo he de reconoxer que cuan lo prebé por primer begata no me fizo guaire goyo. Manimenos malas que bas minchando-ne día par d'atro, a la fin, cayes. Y bien buen que ye!

Diz que agora tamién se'n fa de mazana -yo no lo he prebato, parix que o tradizional siempre eba estato a narancha-, y tamién s'ha cheneralizato a demanda y en benden a embute en as botigas de diferens lugars, más que más, os orichinals d'a comarca de Uesca (Abiego, Angüés...). No sé a cheografía d'o empanadico, dica án se'n fan.

Si belún no los conox, cal siñalar que pa qui siga laminero como os gatos no les ferá burro falso . Aquí tenez os ingrediens -u cuasi toz-: farina, crabaza, empreñatuera, narancha, augua, azeite, güego, zucre. I hai qui i mete pansas, pimiento u o que le pete.

Pos ixo, salú.

5 comentarios:

Orebuc dijo...

O millor empanadico que prebé yo ye d´o furno de Sietamo!
En entar t´o lugar, dezaga d´a fuen. (Ta yo, que ye muitismo parexiu ixe d´a foto)

Onset dijo...

Diapllin, ixe empanadico ye de casa mía. Yo cuasi siempre mincho de casa, encara que he prebato diferens d'Angüés, más que más, y belún más, que, por un regular, gosan estar artesanals. Os que fan en Uesca ya son más "artifizials".

Anónimo dijo...

La muller mía ye de Monzón e rabia per es empanadicos de crapaza. A yo no me van guaire per la canela, e ademés que noi mica laminer. Felices saturnales.
Felquera

Onset dijo...

Tamién n'i hai d'espinais, se me pasó de comentar-lo. Buen Nadal y año pa tu tamién, Felquera -yo tamién me quedo con os de crapaza.

frikosal dijo...

Oh que bo !
A mi me gusta mucho el de manzana.