martes, 9 de diciembre de 2008

Tornando con Knut

No fa guaire que parlemos de Knut (lo podez beyer aquí), ixe onset polar, que su mai refusó y fuen os treballadors d'o zoo de Berlín qui parón cuenta de l'onset, más que más, Thomas Dörflein.

Fa poquet, o día 5, que Knut ha feito dos añez, mide dos metros y meyo, y pesa bels 200 kilos, ya no ye l'onset d'antes, ya ye un onsaz.

Alabez, cuan escribié por primer begata sobre l'onso, ya me preguntaba qué pasaría con Knut cuan se fese gran y no fuese ixe onset boniquet y grazioset, cuan pesase o que pesa güe, y dexase d'estar chicorrón pa estar un onsaz.

Ya tenemos respuesta a totas ixas preguntas. La podez leyer aquí encara más claro aquí. Parix claro, si Knut ya no ye rentable (sic) ya se'n puede ir bien luen, que no lo quieren, cal fer pocha, cabidar, dimpués de emplenar-nos as pochas con l'onset... que se'n baiga a muir cardelinas, a escaparrar, que se pudrixca engarcholato en bel rezinto perdito. Asinas ye o sistema, y sin tartir. Agora ya lo son mirando una "suzesora", una onseta que se diz Flocke (un atro animalón que explotar dica que no siga rentable, alabez, au!).

He leito que en 2007, o zoo de Berlín obtenió 5 millons d'euros a trabiés de Knut. Mesmo os de Hollywood ufrión a o zoo de Berlín que Knut se combertise en una estrela de zine (con cantidaz millonarios pa o zoo).
No sería chusto que le fesen unas instalazions dignas con ixos diners, y amás continarían ganando diners a espuertas.

O que nos queda claro dimpués de tot isto ye que iste mundo no ye, prou que no d'os animals, ni d'as personas... ye d'os diners. Os diners gubiernan y nos enfilan a toz, como güellas u corderez, por o camín... que els quieren.


3 comentarios:

Chabier Lozano dijo...

Ansinas somos es humanos, cuan nos cansamos d'una cosa la tiramos, e tratamos a's animals como ochetos. Pena d'especie.

Joan de Peiroton dijo...

Espero que la historia de Knut no se acabe mal. Lo importante seria que se encontrese en un lugar adecuado, donde podría seguir su vida, tranquilo y feliz.

Onset dijo...

En tot caso, si ese estato una persona, estoi que tamién le abrían feito o mesmo (encara que tendría diners y no le ferían fuera). Os diners mandan. Caldrá aguardar.