Diz que as fornigas son unas grans treballaderas: no bi ha garra duda. En que beis un forniguero paras cuenta d'os milars de fornigas que ne b'ha. Totas son treballando, saben t'án ban, qué han de fer, cuál ye o suyo paper... tot. Qué cherarquía tan complicata y de bez tan senzilleta! (biologos d'o mundo, estudiaz a las fornigas!). Cuántas fornigas no ne b'abrá? Millons y millons. Si fuesen grans como elefans ya dominarían o mundo.Y qué fa un onso parlando de fornigas? O caso ye que con ista que escribimos en femos 100 dentratas. Y pensaba que cada dentrata ye como una forniga: una forniga que ha feito lo suyo treballo (altra cosa ye si l'ha feito bien u mal). Encara que cal reconoxer que soi menos treballador que a forniga más fenianta de totas as fornigas.
100 dentratas talmén sigan muitas u talmén sigan poquetas: bes-te-ne a saber. O importán ye que cada una d'ellas, como as fornigas, dixen o suyo rastro de treballo...
5 comentarios:
Pues enhorabuena per las cien entratas, ya fa días que yo las pasé, pero la verdat ye que las mías entratas son més simples, un par de fotos e cuatre fateras. Salut e a per las 200.
Norabuena y a continar blogiando.
Grazias, compañers. Estoi que me queda muito pa pillar-tos en nº de dentratas (soi o zaguer d'a tresena: Felqueral, Nabatiando y Onsera). Busaltros sí que soz buenas fornigas treballaderas.
Por zierto, Felquera, te foi un encargo -si quiers y te baga- a beyer si puez fotografiar bel forniguero, fornigas treballando u soletas (os míos intentos amilloran muito poquet a poquet).
Felizidaz, Zagal, por os tuyos dos añez.
Ta yo que no son pocas zien dentratas... Y antiparti que os tuyos "posts" tienen tarcual enchundia, son muito intresans, a lo menos ta yo, ya que enzertamos en o respeto por a naturaleza y o intrés por as luengas minorizatas d'Aragón.
Blogs como lo tuyo (muito bien escrito) y atros creigo de berdá que fan muita onra en aragonés, que calen y que sin d'els muita chen intresata por a nuestra fabla no tenerba puntos de referenzia en o rete.
L'analochía qu'emplegas d'as fornigas m'ha cuacau asabelo. Ye berdá: poquet a poquet se puede ir muito, pero que muito luen. Con o que has escrito en o blog se poderba mesmo fer un libro bonico, anque no siga ixa la suya finalidá.
Un letor fidel dende as tierras zafumatas y crematas (¡pobres paisaches d'Aragón!) d'o Sur,
Chuan Chusé Bielsa
Grazias por as tuyas parolas, Chuan Chusé. Yo tamién te leigo. Continaremos como buenas fornigas treballando por a luenga y por toz os sers (como ixe poema de tu).
Publicar un comentario