sábado, 19 de septiembre de 2009

L'Aínsa


A (co)capital d'o Reino/País de Sobrarbe (mi viejo condado, señor de los montes, te estabas dejando morir... perdido, perdido país), L'Aínsa. Capital, a la suya bez tamién, d'o Biello Sobrabe. De toz ixos lugars y lugarons, que ne b'ha a manta: Escanilla, Mediano (aquí perdiemos o país), Mondot, Arcusa, Guaso, Chabierre d'Ara, Banastón, Castillazo, Santa María de Buil, Samitier, O Coscollar, Cosculluela de Sobrarbe...


A Plaza Mayor de L'Aínsa (imposible fer una foto en condizions, con tanto turista, mesmo con casorios y tot). En tot caso, si arriban en o blog os nobios, ya en tienen una altra foto.


L'Ara y a Zinca se chuntan, -más zientifico: la uno desemboca en l'altro-


No tos faiga miedo, que nomás ye acucutando a beyer quí pasa y a rezibir a la chen a o museu



Allí tenemos a Cruz Cubierta d'o sieglo XVI, bien zerqueta d'a zona istorica. A Cruz Cubierta de L'Aínsa tiene a suya leyenda...

Aquí: o chuego d'Onset, que quiere que o pueblo parle. Cuál ye ixe lugar que se i puede beyer dende L'Aínsa. Ye de bien soluzionar.
Podez dezir-lo en a encuesta u aquí mesmo:

A. Samitier
B. Castillón de Sobrarbe
C. Elsón
D. Guaso
E. Boltaña





5 comentarios:

felquera dijo...

Guaso, se vei dende mutos puestos, ¿qué i hai de premio? ;-)))
Per cierto, enhorabuena ya sabes per qué. Salut.

"O zagal de Molinero l'arco" dijo...

Guaso.Si podez azercazos a beier o Molino Biello de Guaso.

Onset dijo...

O pueblo charró. Yera de dar que charrábanos de Guaso. Grazias, compañers. Como no soi mica materialista, tos puedo fer plegar bel pote de miel, que agora ferá onra con iste orache.
Grazias, Felquera, por a parte que me toca: imos fendo camín. Ixo sí, un camín plenizo de barraches y pedretas que fa que siga de mal -u imposible- de plegar en o destín.
Zagal, caldrá beyer o Molín (y o esconchuradero).

felquera dijo...

Oh, pos la mía filla t'agradeixería la miel, que se fote uns vasos de let con miel que tembla el misterio. A yo no me fa mica goyo, asinas voi con es muergos d'hibierno, que no'n salgo he he. Salut.
P. S. Charró el pueblo, sí, pero es de Sobrarbe.

Onset dijo...

A yo tamién me fa goyo, pero barrechata con altra cosa (si ye sola ya ye pa os buens y grans laminers).
En iste caso, pos, como siñalas, ye o pueblo sobrarbés. Os de demás, caldrá beyer si ye que tenemos pueblo (en Onsera) u si no lo sabeban; me pienso que ye, sin garra duda, o primero.