jueves, 9 de octubre de 2008

Nozito

Cuánto tiempo no feba que me'n quereba ir ta Nozito, en a Sierra de Guara! Jolio, sí en feba! Pos, a la fin, podié ir-ie, enfilé o camín cara ta Nozito, a paso pando como caminamos os onsos.


Puen mediebal, que dibide en dos barrios a o lugar (San Chuan y San Pietro), chunto con o riu Guatizalema (Botizalema).
Ya San Úrbez, tiempo abe, no sabeba en qué barrio quedar-se asinas que dizió: "Donde caiga mi gayato, de allí seré enamorato".


Fuen de Jara (con o nombre como ha d'estar). A toponimia nunca no falla (Cajicar, Santolaria, Zienfuens...)


Ambista d'un d'os barrios de Nozito


Ilesia (una d'as dos que n'i hai)

Carrera estreita, con güeña de caballo, ixo, a lo menos, significa que encara i hai bida

Santuario de San Úrbez, se conox que data d'o sieglo XII y n'o XVI se fizon buena cosa de reformas, se gosa puyar-ie ta demandar a o santo que pleba. (Si querez conoxer más sobre San Úrbez punchar aquí, un articlo de Jean-Joseph Saroïhandy). Pero ixo sí, cal puyar-ie caminando, no pas en auto.



Paisache, dende cualsiquier cabo, a belleza d'a Sierra Guara ye presén


Tellatos y chamineras, siñals d'os lugars

Cuántos lugarons no n'i hai por ixa bal, ya n'i hai, ya: Belsué, Lúsera, Orlato, Bentué de Nozito, Bara, Miz, dimpués Nasarre, Otín, Usé... y ya arribamos en Rodellar. Nozito/Nocito ye o más gran de toz ixos lugarons, be de tener bels 15-20 abitadors, muitos d'els son franzeses, (talmén dimpués o más gran siga Bara, en Belsué i hai nomás que dos personas tot l'año, os demás son cuasi toz sin chen).
A qui le faiga goyo de dondiar y caminar, ixe territorio ye o millor, de bez que se i beyen unas ambistas preziosas.

Os caballos aguaitan y paran cuentan

Si belún quiere más informazión d'o lugar u d'a bal, u mesmo fotos, que en demande (en fize más de 160). Merex a pena besitar-la, ye bien bonica. No dexez de besitar-la.

5 comentarios:

zel dijo...

Precioses! Precioses! Jo, directament, n'he copiat alguna, jejejeje. Per cert, diga'm quina música tens al blog, sisplau, m'agrada molt!

felquera dijo...

Ya abe anyos que me faría goyo d'ir.ie perque no conoixco ixa zona (no he pasato so que per la carretera de la Guarguera). Debe d'estar preciosa, pero no sé cuán podré perder-me per astí.
Salut.

Onset dijo...

Zel, moltes gràcies! La música és de La Ronda de Boltaña (www.rondadors.com), un grup molt conegut a l'Alt Aragó i -suposo- a l'Aragó. Per a mi és un dels millors grups que en tenim. Canten en aragonès i en castellà. Vaig parlar de La Ronda a: http://onsera.blogspot.com/search/label/Mosica. A mi m'encanten.

Felquera, aprobeita y bes-ie porque te ferá goyo, amás agora que a pista ye asfaltata no i hai guaires dificultaz. O que s'amenista ye tiempo ta que te bague de biyer tot porque ye una zona an que i hai muitas cosas a biyer. Yo, encara abría de tornar-ie una atra bez ta besitar más lugars y paisaches.

zel dijo...

Gràcies per les fotos, són precioses! I gràcies pel nom dels músics, a mi també em donen pau i una alegria petita i senzilla per alimentar el cor...
Petons. Per cert, escrius un català excel.lent, ja ho voldrien alguns de Barna!!!!

Onset dijo...

Moltes gràcies, Zel, per tot el que dius.