lunes, 26 de mayo de 2008

Reflexions d'Onset: Os pres


Imos a parlar d'un tema, encara que sía un poquet topico, pero que por cada día se nota más. No ye atra cosa que a puyada contina y firme d'os pres de tota mena de productos, sin garra exzepzión. Agora tamién se clama crisis. Por meter bel exemplo: a benzina ya ye por más d'1,2 € por litro, os alimentos basicos han puyato más d'un 80% a ran mundial, luego a luz puyará más de l'11%, a farina, os pisos ni parlar-ne...

Fa poquet estié bebendo una biera/ordio y cuan abié de pagar, estió gran a mía sospresa, cuan o cambrero me dizió 1,70€. Fendo cuentas dizes son 170 pezetas, pero no, que en son cuasi 300! e ixo que no yera ni en terrau, ni de berano ni res y, amás, yera a más chicota. No fa guaire, bels años, encara me foi memoria que baleban arredol de 100 ptas. pero dende alabez s'ha multiplicato por tres, pero, ye de dar, que os salarios no s'han multiplicato por tres (ni por dos). Pero quí puede cabidar? A iste paso drento de poquet ya serán 2€.

Pero no sólo que os bars, Onset estió en un forno, con nomás un euro, y, fueras d'o pan, no podeba mercar que dos productos de tota la botiga. As bolsetas de panizo frito fa cuatre mese baleban 43 zentimos agora son 76 zt., l'augua embotellata, de 5 litros, fa un mes baleba 43 zentimos agora en bale 55, cada semana puyaba 5 u 6 zentimos.

Istos casos son cutianos, pero si paramos un poquet de cuenta en ixa chen que tiene ninons (y ya si en tiene tres u más) y pagar a casa, no sé qué abrán de fer pa continar resistindo istas enrestidas economicas, porque lo tienen prou malamén. A hipoteca la serán pagando siete u güeito chenerazions. Igual como a chen que gosa bebir por denzima d'as suyas posibilidaz.

A yo igual me se'n da de quí sía a culpa, si de l'Euribor ixe, d'o petrolio u de Chikilicuatre... pero beigo que abremos a fer as pochas d'os nuestros pantalons más grans ta que i cullan toz os diners que caldrá lebar-ne u fer un furtadiners chigán. Alea jacta est.

3 comentarios:

menta fresca dijo...

això mateix comentava fa un dies en un blog d'un andorrà, en el sentit que les empreses declaren beneficis i la rel.lació amb l'apujada de preus. Aquesta es directamente "improporcional" als sous, el meu baixa(baixa!!) en la mateixa proporció en que a l'empresa on treballo li pugen els beneficis, beneficis dels que tant sols es beneficien els alts càrrecs. No cal tenir fills per que el sobreviure sigui cada dia més difícil i cada cop poguis fer menys coses.

felquera dijo...

Qué te voi a contar, pobret. El deposito d'el coche vente euros més car que fa un anyo (¡¡e la muller se fa 80 km diarios pa ir a troballar!!), comida (pro a fés en Monzón, que mercar per aquí ye carismo), panyals, salir de canyas ye misión imposible, no i hai pocha que el aguante... a ixo cal sumar-le hipoteca, gas, luz, telefonos móvils e fixo (con internet), segurs d'es coches... Imos a deixar-lo estar que me meteré a plorar.

Onset dijo...

Menta fresca, ye de dar que siempre son os mismo qui ganen diners y os mismos qui siempre se quedan igual u mismo pierden. Tiens razón, pero si, antiparte, tiens fillos, pos malamén porque os gastos encara más se multiplican.

Felquera, ya somos abiaus, ya, como no quiero que pretemos a plorar, lo dexamos.